قصه مؤثره ج2

وهنا حصلت حاجه غيرت مجرى القصه تماما
الولد بتكلم معاه
فجأه لقيته سرح كأن الزمن وقف.
أمه قالت
أهو كده كل شويتين يسرح دقيقه ولا اتنين ويعمل مش سامعنا
هنا حسيت كان فى كهربا ضړبت مخى ونورت جواه حاجه.
ولمعت عينى وسألتهم السؤال الحاسم
الولد ده بيشتم بيقوم فجأه يضربكم
راح أبوه مزعىق وقال
أيوه يا دكتور الله ينور عليك!
بيشتمنا بأبشع الألفاظ مع إنه محدش بيبقى جه جنبه
وبيقوم من غير سبب بيضرب ويخربش! ومهما نضربه ونعاقبه برضو قليل الادب
هنا رديت عليهم دفاعا عن العيان بتاعى 
دي مش قلة أدب دي استغاثة.
وجوه عقلى كان حسم الموقف
Frontal manifestations
سرحان الولد مكانش غير نوع نادر من نوبات الصىرع
absence seizures.
والشتيمه والضړب المفاجئ
كانوا بس أعراض مشكلة في الفص الجبهى من القشرة الدماغية
وخلل في وظائف المخ العليا.
قلة أدبه كانت المفتاح
طلبت للولد فحص قاع عين
اللي أظهر ارتفاع في ضغط السائل النخاعي.
وبالأشعة المناسبة لقينا ورم صغير في المخ
بيلعب في كهربا دماغه
وبيشوه ردود أفعاله وحياته كلها.
الولد ماكنش قليل الأدب
ومكانش ساكت
لكنه كان بيصىرخ بس بطريقته.
والحمد لله
سمعته في لحظة كان محتاج يتسمع فيها.
والحمد لله
بدأنا رحلة علاجه بدري جدا.
وبدل ما يتعاقب على حاجة مش ذنبه او يفقد حياته فجأة بلا مقدمات واضحة 
بدأ يتفهم ويتعالج.
ومش كل عيان قليل أدب هنعمل معاه مشكلة
خد دايما خطوتين لورا
واديله حقه قبل ما تاخد حقك منه .